قبل ما تبعت رسالة لأي حد على الواتساب، لازم تفعل الحاجات دي دلوقتي فوراً، لإنه ممكن يكون أي حد بيراقبك وأنت مش واخد بالك وفاكر نفسك إنك في أمان. بس الأول اعمل لايك وشارك الفيديو عشان الفيديو يوصل لغيرك ويستفيد، وافتكر إني قولت لك: طالما أنت مش متابعني فأنت فايتك كتير.
كل اللي هتعمله إنك هتدخل على الواتساب، وبعد كده هتيجي على الثلاث نقط اللي في الجنب دول، تضغط عليهم وتضغط على الإعدادات. وتيجي بقى عند الخصوصية وتضغط عليها، وزي ما أنتم شايفين كده هننزل تحت هنيجي عند حاجة اسمها متقدمة ونضغط عليها. وهنا بقى هنتلاقي ثلاث حاجات، فحنفعّل الثلاث حاجات دول وهقول لك ليه.
أول واحدة: حظر الرسائل الواردة من حسابات مجهولة، وحنفعلها. وده هيحميك من الرسائل الإحتيالية اللي بتوصلك على الواتساب.
أما الثانية وهي: حماية عنوان IP خلال المكالمات، حنفعلها. ودي بقى لما تيجي تتكلم اتصال على أي حد على الواتساب مفيش أي حد هيقدر إنه يسمع الكلام اللي أنت بتقوله أنت والشخص اللي أنت بتتصل بيه.
أما آخر واحدة: تعطيل معاينات الروابط، هتتلاقيها برضه غير متفعلة، هتفعلها. ودي وظيفتها لو في أي حد بعت لك رابط فيه فيروسات أو رابط غير آمن، الرابط مش هيتحول للون أزرق، هيتحول أكنه كتابة عادية عشان يحميك من الإختراق.
وبعد كده بقى هترجع وتيجي عند الثلاث نقط تضغط عليهم وتضغط على الأجهزة المرتبطة. وزي ما أنتم شايفين كده لو إتلقيت زي ما ظاهر عندي، فده معناه إن الجهاز ده اللي هو الأيفون ده بيراقبك ويقدر إنه يشوف كل المحادثات اللي أنت بتتكلمها مع أي شخص على الواتساب ده حتى يقدر يرد أكنه هو صاحب الواتساب بالظبط. فلو عايز بقى تتخلص من المراقبة دي تضغط على كلمة تسجيل الخروج وتتأكد إنها بقت زي ما أنتم شايفين قدامكم كده فاضية مفيهاش أي حاجة.
يلا جربوه وقولوا لي إيه رأيكم في الكومنتات، وما تنساش بقى تعمل مشاركة عشان الفيديو يوصل لغيرك ويستفيد.
ليست هناك تعليقات:
إرسال تعليق